ການຢ້ຽມຢາມສະໜາມສຳຫຼວດ ແລະ ກວດກູ້ ຢູ່ເມືອງຄຳເກິດ ແຂວງບໍລິຄຳໄຊ

Published on 2020-10-18

ໃນລະຫວ່າງວັນທີ 13-14 ຕຸລາ 2020 ນີ້, ຫ້ອງການຄະນະກຳມະການຄຸ້ມຄອງແຫ່ງຊາດ ເພື່ອແກ້ໄຂລະເບີດບໍ່ທັນແຕກ ທີ່ຕົກຄ້າງໃນລາວ, ນຳໂດຍ ທ່ານ ໂຈມແຍງ ແພງທອງສະຫວັດ ຫົວໜ້າຫ້ອງການ ຄຊກລ ພ້ອມດ້ວຍຜູ້ຕາງໜ້າຈາກອົງການສະຫະປະຊາຊາດ ເພື່ອການພັດທະນາ ແລະ ອົງການກອຍກາ ພ້ອມຄະນະ ໄດ້ລົງຢ້ຽມຢາມການປະຕິບັດໜ້າທີ່ສໍາຫລວດ, ກວດກູ້ ແລະ ທໍາລາຍລະເບີດພາກສະໜາມ ຂອງກອງກວດກູ້ລະເບີດເພື່ອມະນຸດສະທຳ 58 ກອງທັບ ຢູ່ເມືອງຄໍາເກີດ ແຂວງບໍລິຄໍາໄຊ. ໂອກາດດັ່ງກ່າວ, ທ່ານ ກິ ສົງລາວາງ ຮອງເລຂາພັກເມືອງຄໍາເກີດ ແຂວງບໍລິຄຳໄຊ ໄດ້ລາຍງານໃຫ້ຮູ້ ກ່ຽວກັບສະພາບການສໍາຫລວດ, ກວດກູ້ ແລະ ທໍາລາຍລະເບີດບໍ່ທັນແຕກ ຢູ່ເມືອງຄໍາເກີດໃນໄລຍະຜ່ານມາ.